وکیل کو کاٹنےوالے کتے کو زہر کا ٹیکا لگا دیا گیا ‎

کاٹنےوالے کتے کو

پاکستان ٹائمز! ڈیفنس میں وکیل پر حملہ کرنے والے دونوں پالتو کتوں کو فریقین کے درمیان ہونے والے صلح نامے کے تحت زہر کا انجکشن دے کر مار دیا گیا ۔ڈیفنس میں وکیل پر 2 پالتو کتوں کے حملے کے واقعے میں کتوں کے مالک نے صلح نامے پر عملدرآمد کرتے ہوئے انھیں زہر کا انجکشن لگوا کر مار دیا ۔ ذرائع کے مطابق زہر کا انجکشن لگانے کے بعد پالتو کتوں کی ہلاکت پر ان کا مالک افسردہ حالت میں ان کے پاس بیٹھا رہا۔

گزشتہ ماہ ڈیفنس میں ہمایوں خان نامی شہری کے پالتو کتوں نے سینئروکیل مرزا اختر علی پر حملہ کر کے انھیں شدید زخمی کر دیا تھا۔ واقعے کی سی سی ٹی وی فوٹیج بھی منظر عام پر آئی تھی جس میں دونوں کتوں کو وکیل پر حملہ کرتے دیکھا گیا تھا جبکہ واقعے کا مقدمہ بھی پولیس نے درج کیا تھا تاہم بعدازاں مدعی اور کتوں کے مالک کے درمیان صلح ہوگئی تھی جس کا صلح نامہ بھی منظر عام پر آگیا تھا ۔

Leave a Comment