کراچی ملک کا مہنگا ترین شہرقرار،جانیں اس خبر میں

کراچی

پاکستان ٹائمز ! ادارہ شماریات کی مہنگائی سے متعلق ہفتہ وار جاری ہونے والی رپورٹ کے مطابق کراچی ملک کا مہنگا ترین شہر ہے ۔ رپورٹ میں بتایا گیا ہے کہ کراچی میں گزشتہ ہفتے تقریبا 91 فیصد زیادہ قیمتیں وصول کی گئیں اور اسی طرح اشیائے ضروریات سرکاری نرخ کے مقابلے میں 39 فیصد تک مہنگی فروخت کی گئیں۔ پنجاب مہنگائی میں دوسرے نمبر پر رہا

جہاں قیمتوں میں 38 فیصد اضافہ دیکھا گیا۔سروے رپورٹ کے مطابق کراچی میں 20 کلو آٹے کی قیمت سرکاری نرخوں کے مقابلے 343 روپے، دودھ 65 روپے، چینی 25 روپے، بڑا گوشت 291روپے، ٹوٹا چاول 50 روپیاور آلو 4 روپے مہنگے فروخت کیے گئے۔دوسری جانب پاکستان شماریات بیورونے مہنگائی کے اعدادوشمار کا نیا ڈیجیٹل سسٹم لانچ کر دیا ، ڈیجیٹل سسٹم نے ڈی سی او مارکیٹ ریٹ میں 9 سے18فیصد تک فرق کی نشاندہی کر دی۔تفصیلات کے مطابق پاکستان شماریات بیورونے مہنگائی کے اعدادوشمار کا نیا ڈیجیٹل سسٹم لانچ کر دیا ہے ، ڈیسیزن سپورٹ سسٹم فار انفلیشن بروقت فیصلوں میں معاون ثابت ہو گا ، بڑے شہروں میں ڈی سی اورمارکیٹ ریٹ میں فرق دکھایاگیاہے ، پالیسی سازی اورصوبائی اورضلعی انتظامیہ جلدکارروائی کر سکیں گی۔ادارہ شماریات بیورو کے مطابق 17 شہروں میں 10 سے 12اشیا ئے ضروریہ کا جائزہ لیا جائے گا،

گزشتہ ہفتے اشیائے ضروریہ کی قیمتوں میں 0.82فیصداضافہ ہوا ، سکھرمیں 2.3فیصداوراسلام آبادمیں 1.09فیصدمہنگائی بڑھ گئی۔ادارہ شماریات بیورو کے مطابق گزشتہ ہفتے ٹماٹر کی قیمت میں 14.3فیصدا، چکن 11.5فیصد، پیاز8.3 ،آلو 3.1 ، لہسن 2.5،گھی اورکوکنگ آئل 1.5 فیصد مہنگے ہوگئے جبکہ دال مونگ 3.7فیصداورکیلا 2.8فیصد سستا ہوا۔ڈیجیٹل سسٹم نے ڈی سی او مارکیٹ ریٹ میں 9 سے18فیصد تک فرق کی نشاندہی کی ، بڑے گوشت کاڈی سی ریٹ 443روپے اورمارکیٹ ریٹ 540 روپے فی کلو ہے جبکہ گھی کامارکیٹ ریٹ ڈی سی ریٹ سے 16فیصدزائد ہے ، گھی کاڈی سی ریٹ260روپے جبکہ مارکیٹ ریٹ 310روپے فی کلو ہے۔اسی طرح آٹے کا مارکیٹ ریٹ سرکاری ریٹ سے15فیصدزائد دیکھا گیا ، آٹے کا ڈی سی ریٹ 969روپے جبکہ مارکیٹ ریٹ 1139روپے فی تھیلہ ہے جبکہ پیازڈی سی ریٹ 30 روپے اور مارکیٹ ریٹ 35روپے فی کلو ہے

۔ادارہ شماریات بیورو کے مطابق دودھ ڈی سی ریٹ 96 روپے،مارکیٹ ریٹ 111 روپے فی کلو ، ٹوٹاچاول کا ڈی سی ریٹ85روپے جبکہ مارکیٹ ریٹ 94روپے فی کلو، چینی کاڈی سی ریٹ89روپے جبکہ مارکیٹ ریٹ 98 روپے فی کلو ہے۔اسی طرح ٹماٹر کا ڈی سی ریٹ 38روپے اور مارکیٹ ریٹ 43روپے فی کلو ، آلو کا ڈی سی ریٹ 46روپے اور مارکیٹ ریٹ 51روپے فی کلو جبکہ چکن کا ڈی سی ریٹ 218روپے اور مارکیٹ ریٹ 231روپے فی کلو ہے۔

وفاقی وزیر نے درجن سرکاری گاڑیاں رشتے داروں میں بانٹ دیں،جانیں اس خبر میں

Leave a Comment