شوگر کا سب سے بہترین علاج سیب کا سرکہ کیسے استعمال کرنا ہوگا ؟

سیب کا سرکہ

پاکستان ٹائمز! سرکہ عام طور پر کھانوں میں ذائقہ بڑھانے کے لئے استعمال ہوتا ہے لیکن حالیہ میڈیکل ریسرچ نے اسکو ذیابیطس وکینسر سمیت کئی امراض کے لئے کارگر دوا بھی ثابت کردیا ہے۔ ڈایا بیٹک جنرل کی رپورٹ میں انکشاف کیا گیا ہے کہ ان کی تحقیق میں ثابت ہوا ہے۔ کہ ذیابیطس ٹائپ ٹو کے مریض اگر روزانہ رات سونے پہلے ایک سے دو چمچ سیب کا سرکہ استعمال کریںتو ان کے خون میں شوگر کی مقدار متوازن ہوجاتی ہے۔

اُدھر ہوزونگ ایگری کلچرل یونیورسٹی چین نے بھی سرکہ پر اپنی تحقیق کے بعد انکشاف کیا ہے کہ پھلوں کا سرکہ انتہائی مہلک امراض سے بچانے میں معاون ہوتا ہے ۔ تحقیقی مطالعہ کے مطابق سیب کا سرکہ کینسر، انفیکشن، بیکٹریا کے خلاف لڑنے سمیت جسمانی وزن میں کمی اور میٹابولزم میں بہتری لانے کے لیے فائدہ مند ہے۔ تحقیق میں بتایا گیاہے کہ سرکے کا ترش ذائقہ جسم کو بلڈ گلوکوز لیول کنٹرول کرنے میں مدد دیتاہے، اس سے میٹابولک اور جسمانی وزن میں کمی میں مدد ملتی ہے جبکہ دوران خون بھی بہتر ہوتا ہے۔ تحقیق کے مطابق سرکے میں استعمال ہونے والے اجزاءکچھ اقسام کے کینسر کے خلیات کو پھیلنے سے روکنے میں بھی مدد دیتے ہیں۔محققین کا کہنا تھاکہ سرکہ بیکٹریا کش، اینٹی انفیکشن، اینٹی آکسائیڈنٹس اور صحت کے لیے دیگر فائدہ مند خوبیوں سے بھرپور ہوتا ہے۔ تحقیق کے مطابق سیب کا سرکہ کھانے کے بعد چند قطرے روزانہ استعمال کرنے سے لبلبہ کی کارکردگی

پر بہتر اثر ہوتا ہے۔ اے پی جان انسٹیٹیوٹ فار کینسر ریسرچ سیب کے سرکہ کو کینسر کے مریضوں کے لئے مفید قرار دے چکا ہے ۔ ان کے مطالعہ کے مطابق سرکہ کا استعمال کرنے سے بلڈ پریشر بھی نارمل ہوجاتا ہے کیونکہ سرکہ کے اجزا شریانوں کو کھولنے میں مدد گار ہوتے ہیں تاہم اس پر مزید ریسرچ کی جارہی ہے۔ چینی ماہرین کا کہنا ہے کہ سرکہ اچھی غذا ہے لیکن یہ خالص اور معیاری ہونا چاہئے

اسٹرابیری کو نمک کے پانی میں 30 منٹ کے لیے بھگوئیں اور کمال دیکھیں

پاکستان ٹائمز! اسٹرابیری کو جہاں لوگ نازک پھل کے نام سے پکارتے ہیں وہیں اس کا ذائقہ بھی کئی افراد کو بے حد پسند ہوتا ہے۔ خوش ذائقہ پھل اسٹرابیری کی افادیت سے یقیناً کوئی انکار نہیں کر سکتا لیکن کیا آپ جانتے ہیں کہ اِسے نمک کے پانی میں 30 منٹ تک بھگونے سے کیا ہوتا ہے؟ہم آپ کو یہ ہی بتانے جا رہے ہیں کہ مذکورہ عمل سے آپ کو کون سا بڑا فائدہ پہنچ سکتا ہے

دراصل اسٹرابیریز کی رنگت اور خوشبو کی وجہ سے کئی چھوٹے چھوٹے کیڑے مکوڑے ان پر موجود ہوتے ہیں، جو انسانی آنکھ سے بچ جاتے ہیں جو پیٹ میں جا کر مختلف معدے کی بیماریوں کو جنم دیتے ہیں، بھلے ہی آپ اس پھل کو دھو کر استعمال کرتی ہوں لیکن یہ کیڑے مکوڑے ہرگز اپنی جگہ نہیں چھوڑتے۔لہٰذا آپ کو کرنا یہ ہے کہ ایک باؤل میں پانی لیں اور اس میں ایک چمچ نمک ڈال دیں۔ اس نمک والے پانی میں تمام اسٹرابیریز کو ڈالیں اور 30 منٹ تک انتظار کریں۔اگر اس پھل پر چھوٹے اور باریک کیڑے مکوڑے ہوئے تو وہ نمک کے باعث فورا پھل کو چھوڑ دیں گے۔آپ یہ ٹوٹکا کسی بھی دوسرے نازک پھل کیلئے استعمال کر سکتے ہیں۔تاہم اگر آپ کو محسوس ہو کہ نمک مِلے پانی میں پھل کو بھگونے سے اس کا ذائقہ بدل گیا ہے تو آپ یہ عمل سادے پانی میں بھی 1 گھنٹے کے لیے کر سکتے ہیں

Leave a Comment